ಹಗಲುವೇಷ

ಎನ್ನ ಮನದ ದುಗುಡವ ನಿನಗೆ ಹೇಳಲೇ

ಏಕೆ ಹೀಗೆಲ್ಲಾ ಆಗುತಿದೆ ನಾನರಿಯೆ?

ಮನವು ಹೀಗೆಳೆಯುತಿದೆ ನನ್ನದಲ್ಲದ ತಪ್ಪಿಗೆ:

ಎಲ್ಲರೂ ನಗುವವರೆ ಒಳಗೊಳಗೆ

ಮುಖವು ಹರಳೆಣ್ಣೆ ಕುಡಿದವರ ಹಾಗೆ

ನನಗೆ ನನ್ನದೇ ಚಿಂತೆ ನನ್ನದೇನು ತಪ್ಪೆಂದು?:

ರಾಜಕೀಯ, ಮಸಲತ್ತು

ನೋವಾಗುವುದು ಮನಸ್ಸಿಗೆ

ಈ ನಾಟಕ,ಮುಖವಾಡ  ತಿಳಿದೂ

ಜೊತೆಜೊತೆಯಾಗೆ ನಡೆಯಬೇಕಿದೆ:

ಇಂದೋ,ನಾಳೆಯೋ

ಬೇಗನೆ ಮುಗಿಯಲಿ ಇವರ ನಾಟಕ

ಮೊದಲಿನಂತಾಗಲಿ ಅವರ ನಡುವಳಿಕೆ

ನಾನು ಅವರಿಗೆ ತೊಡರುಗಲ್ಲಲ್ಲ:

ನಿರ್ಮಲಚಿತ್ತ ನನ್ನದು,

ಹರಿವ ನದಿಯ ತೊರೆಯು ನಾನು

ನಾ ನಿಲ್ಲಲಾರೆ, 

ಗುರಿಯ ಹಾದಿಯ ಬಿಡಲಾರೆ: