ಬಾ ಬದುಕಿಗೆ...ಬಾ ಸಾರ್ಥಕತೆಗೆ..

ನೀನು ಬದಲಾಗಬೇಕು
ನೀನು ತುಂಬಾ ಬದಲಾಗಬೇಕು
ಮತ್ತೆ ಮತ್ತೆ ಹೇಳುತ್ತಿದ್ದಳವಳು
ನನ್ನಲ್ಲಿ ಏನು ಬದಲಾಗಬೇಕು?
ನನ್ನಲಿ ನೂರು ಪ್ರಶ್ನೆಗಳು
ಮೊಡಲು ಕಾರಣ ಅವಳೇ!

ನೀಟಾಗಿ ತಲೆಕೂದಲು ಕತ್ತರಿಸು
ಇಸ್ತ್ರಿ ಮಾಡಿದ ಬಟ್ಟೆಗಳನ್ನೇ ಧರಿಸು
ಒಂದೊಂದೇ ತಿದ್ದಿ ತೀಡಿ ಹುರುಪುಗೊಳಿಸಿದಳವಳು

ಎಲ್ಲರೊಂದಿಗೂ ಮಾತನಾಡು
ತುಟಿಯ ಮೇಲೆ ಸದಾ ನಗುವಿರಲಿ
ನಿನ್ನ ಯೋಚನೆಗಳನ್ನು ಬದಲಾಯಿಸೆಂದು ದಾರಿ ತೋರಿದಳವಳು

ದಾರಿ ತೋರುವ ದೀಪವಾಗಿ
ಜ್ನಾನವೀಯುವ ಗುರುವಾಗಿ
ಮುಕ್ತಿ ತೋರುವ ತಾಯಿಯಾಗಿಹಳವಳು

ಹೇಗೆ ತೀರಿಸಲಿ ನಿನ್ನ ಋಣವ
ನಿನ್ನ ಸೇವೆ ಮಾಡುವ ಶಕ್ತಿ
ಎನಗೆ ನೀಡು ತಾಯೇ

ನೀನಿಲ್ಲದೆ ಈ ಜೀವನ ಬರಡು
ನಿನ್ನಿಂದಲೇ ಈ ಬದುಕಿಗೆ ಸಾರ್ಥಕತೆ
ಬಾ ಬದುಕಿಗೆ...
ಬಾ ಸಾರ್ಥಕತೆಗೆ