ರಾಧೇ-ಕೃಷ್ಣ

ಅವನೇ ಕೃಷ್ಣ!
ಅವಳೇ ರಾಧೇ!
ಪ್ರೀತಿ-ಪ್ರೇಮವೆಂದರೆ ಅವರೇನೇ\\

ಹಾರಿಬರುತಿರುವ ಕರಿ ಮೋಡವೇ ಕೃಷ್ಣ
ಕ್ಷಣ ಮಾತ್ರದಲಿ ಮಿಂಚಿ ಮರೆಯಾದ ಕಣ್ಣ ಮಿಂಚು ರಾಧೇ
ಧರೆಗಿಳಿಯುತಿರುವ ಹೊನ್ನ ಮಳೆ -ಪ್ರಣಯ\\

ಬಳುಕುತ್ತಾ ಹರಿದಾಡುವ ನದಿ ರಾಧೇ
ಕಡಲ ಕಡೆಗೆ ಓಡಿಸುವ ಚೈತನ್ಯ ಕೃಷ್ಣ
ಒಳುಮೆಯಿಂದಲಿ ಬಳುಕುತ ಕಡಲಸೇರುವುದು- ಮಿಲನ\\

ಪ್ರೇಮದ ಒಡಲು ಕಡಲು ರಾಧೇ
ಹನಿ-ಹನಿ ನೀರು ಅವಿಯಾಗಿಸುವ ಶಕ್ತಿ ಕೃಷ್ಣ
ಗಗನಕ್ಕೇರಿ ಮುಗಿಲುಗಳಾಗುವುದೇ-ಪ್ರೀತಿ\\

ಹೂ ಮನಸ್ಸು ರಾಧೇ
ಭಾವನೆಗಳ ತುಡಿತ ಕೃಷ್ಣ
ಮನಸು -ಭಾವನೆ ಕ್ರೀಯಾಶೀಲತೆಯೇ-ಅನುರಾಗ\\