ನಿರ್ಜೀವ ಜಂತು

"Life sucks"
ಜೀವ ಹೀರುತ್ತೆ-ಯಾಂತ್ರಿಕ ಬದುಕು
ಜನರ ಜೀವ ಹಿಂಡುತ್ತೆ,
ನಾವು ನಾವಾಗದೆ
ನಾವು ಬೇರೆಯಾಗಬೇಕೆಂಬ ಹಂಬಲ ಇದಕ್ಕೆ ಕಾರಣ
ನಮ್ಮದು, ನಮ್ಮವರು ಮರೆತು ಹೋದರೆ ಹೀಗಾಗುತ್ತೆ
ಬದಲಾಗಬೇಕು ನಿಜ!
ನಮ್ಮನ್ನು ಮರೆಯುವಂತಹ ಬದಲಾವಣೆಯಲ್ಲ
ನಾವು ಬಂದ ದಾರಿ ಮರೆಯುವುದಲ್ಲ
ನಮ್ಮ ಭಾಷೆ, ದೇಶ, ಸಂಬಂಧಗಳನ್ನು ತೊರೆಯುವುದಲ್ಲ
ನಾವು ನಾವಾಗಬೇಕು ಅನುಕರಣೆಯಿಂದಲ್ಲ
ನಾವು ಬದಲಾಗಬೇಕು ಸೃಜನಶೀಲತೆಯಲ್ಲಿ
ನಾವು ಬದಲಾಗಬೇಕು ಕ್ರೀಯಾಶೀಲತೆಯಲ್ಲಿ
ನಾವು ಬದಲಾಗಬೇಕು ಮಾನವೀಯತೆಯಲ್ಲಿ
ನಾವು ಬದಲಾಗಬೇಕು ದೇಶಕಟ್ಟುವಿಕೆಯಲ್ಲಿ
ದೇಶವೆಂದರೆ ಬರಿ ಕಲ್ಲು,ಮಣ್ಣು, ಬಂಡೆಯಲ್ಲ
ದೇಶವೆಂದರೆ ಜೀವಂತ ಬದುಕು
ಅದು ಜೀವ ರಾಶಿಯ ಬಲಿತೆಗೆಯುವ ಜ್ವಾಲೆಯಲ್ಲ
ಅದು ಬೆಳಕು ಕೊಟ್ಟು ದಾರಿ ತೋರುವ ದೀಪ
ಅದು ಜೀವವಿರುವ ಚೈತನ್ಯದ ಚಿಲುಮೆ
ಅದು ಜಡತ್ವದ ನಿರ್ಜೀವ ಜಂತುವಲ್ಲ