ಕೊಳಲ ದನಿ

ಕಾಡಿನ ಮೊಲೆ ಬೆಳೆದ ಬಿದಿರು ನಾನು
ಕಿಚ್ಚು ಹಚ್ಚುವವನೆಂದು ಜರೆಯುವರು ನನ್ನನು
ಬೇಸಿಗೆ ಬಂತೆಂದರೆ ಪ್ರಾಣಕ್ಕೆ ಸಂಚಕಾರ
ಚರ್ಮ ಸುಲಿದ ನೋವಿನ ಹಾಡು ಹಾಡುವ ಹಾಡುಗಾರ\\

ಯಾರ ದನಿಯೋ ನಾನು ತಿಳಿಯೆ
ನನ್ನ ಕೊರಳ ದನಿಯು ಯಾರೋ ಅರಿಯೆ
ಸುಯ್ ಗುಡುವ ಗಾಳಿಯಲ್ಲೂ ಗಾನಸುಧೆ
ಬಿಸಿಲಿನ ಬೇಗೆಯಲ್ಲಿ ಎಂದಾಗುವುದೋ ನನ್ನ ವಧೆ\\

ಅವನಾರೋ ಗೊಲ್ಲನಂತೆ
ನನ್ನ ಮಧುರದಿ ಬಳಸುವನಂತೆ
ಹಿತವಾದ ಗಾನ ತೇಲಿಬಂದು
ಎದೆಯಲ್ಲಿ ಪ್ರೀತಿ ಚಿಗುರಿಬಂತು\\

ಬಿದಿರು ಹೋಗಿ ಕೊಳಲಾದೆ
ಅವರ ಕೊರಳ ಕೊಳಲ ದನಿಯಾದೆ
ಹೃದಯ ಹಿಗ್ಗಿಸಿ, ಗಾನ ಹೊಮ್ಮಿಸಿ
ನನ್ನೆ ನಾನು ಹಾಡಿದಂತೆ ಅವರ ಹಾಡ ಹಾಡುವೆ\\