ಕೆಣಕು

ಏನು ಹೇಳಲಿ ಹೇಳು?
ಸುಮ್ಮನೆ ನಗುವೆ ಏಕೆ?
ನಗುವು ಉತ್ತರವಲ್ಲ
ಕಣ್ಣು-ಕಣ್ಣು ಬಿಡುವುದು ತರವಲ್ಲ\\

ನಿನಗೇನೋ ಬೇಕು?
ಸುಮ್ಮನೇ ನನ್ನ ಪರೀಕ್ಷಿಸಬೇಕು
ನನ್ನ ತಳಮಳ ನಿನಗೆ ಖುಷಿ
ನಿನ್ನ ಮುಂದೆ ನಾನಾಗಬೇಕು ಮೌನ ಋಷಿ\\

ಮತ್ತೆ ಮತ್ತೆ ಕೆದಕುವುದು
ನನ್ನ ಬಾಯ ಬಿಡಿಸುವುದು
ನಿಜ ತಿಳಿದ ಮೇಲೆ ಹುಸಿ ಕೋಪ
ಲಲ್ಲೆಗೆರೆಯಬೇಕು ಇಳಿಯುವ ತನಕ ತಾಪ\\

ಕಾಡಿಸುವುದು ನಿನಗೆ ಗೊತ್ತು
ಕಾಯಿಸುವುದು ನನಗೆ ಗೊತ್ತು
ಕಾಡಿಸಿ,ಕಾಯಿಸುವ ಈ ಪರಿ
ಪ್ರೀತಿ-ಪ್ರಣಯ ಲೋಕದಲ್ಲಿ ಎಲ್ಲವೂ ಸರಿ\\