ಯಾರಲೂ ಹೇಳಿಲ್ಲ

ಯಾರಲೂ ಹೇಳಿಲ್ಲ ಮನದ ನೋವನು
ನೋವು ಯಾಕೋ ತಿಳಿದಿಲ್ಲ
ಪ್ರಶ್ನೆಗೆ ಉತ್ತರವಿನ್ನೂ ಸಿಕ್ಕಿಲ್ಲ\\

ಹಕ್ಕಿ ಹಾರುವಾಗ ಕುತೂಹಲ ಏನೋ!
ಹಾರಲಾರೆನೆಂದು ಮನಸಿನಲ್ಲಿ ಖಿನ್ನತೆ ಏಕೋ?
ನಾನು ಅವರಂತಲ್ಲವೆಂಬ ಬಿನ್ನತೆ ಏಕೋ?\\

ಹೃದಯದಲ್ಲಿ ನೋವಿದೆ ಏನೋ?
ಏನೆಂದು ತಿಳಿಯೆನು ಏಕೋ?
ಏನನ್ನೋ ಹುಡುಕುವ ತವಕವಿಂದೇಕೋ?\\

ನಾನು ಏನೆಂದು ಅರಿವಿಲ್ಲವೇಕೋ?
ಕಾಣದ ಶಕ್ತಿಯು ಸತಾಯಿಸುತಿದೇಕೋ?
ನಾನು ಕಾಣದ ಚೈತನ್ಯವೆಲ್ಲೋ?\\

ಮನಸು ದುಃಖಿಸುತಿದೆ ಕಾರಣ ತಿಳಿಯದೆ
ಉತ್ತರ ಸಿಗದೆ ದಾರಿ ಕಾಣದಾಗಿದೆ
ಪ್ರಶ್ನೆಗಳು ಕಾಡಿದೆ ನಿದ್ದೆಮಾಡದೆ\\

ಇಂದು ನಾಳೆ ವರುಷಗಳು ಉರುಳಿದೆ
ಪ್ರಶ್ನೆ ಪ್ರಶ್ನೆಯಾಗಿಯೇ ಉಳಿದಿದೆ
ಮನಸಿನ ನೋವು ಉತ್ತರ ಕಾಣದೆ ಬತ್ತಿದೆ\\