ದೀಪದ ನೆನಪು

ಇಷ್ಟು ದಿವಸ ಬೆಳಕು ನೀಡಿದ ದೀಪವೊಂದು,

ಈಗ ತಾನೇ ಆರಿದೆ.

ತನ್ನ ಕೆಲಸ ಮುಗಿಯಿತೆಂದು ಹೊರಟಿದೆ.

ಎಂಥ ಚಂದದ  ಬೆಳಕು,

ಎಂಥ ಚಂದದ ದೀಪ,

ಇಷ್ಟು ಬೇಗ ಆರಿತಾದರೂ ಏಕೆ?

ಕಾರಣ ತಿಳಿಯದಾಗಿದೆ!.

ಮತ್ತೆ ದೀಪ ಹಚ್ಚಲಾಗದು!

ಹೊಸ ದೀಪ,

ಹೊಸ ಬತ್ತಿ,

ತರುವುದೆಂತು?, ಕಾಯಬೇಕಿದೆ.

ಹಳೆಯ ದೀಪ, ಎಂಥ ಭಾಂದವ್ಯ!,

ಎಷ್ಟು ವಾತ್ಸಲ್ಯ!,

ಎಷ್ಟು ಮಮಕಾರ!,

ಎಲ್ಲವ ಬಿಟ್ಟು,

ಎಲ್ಲಾ ಸಂಬಂಧಗಳ ಕಳಚಿ.

ಮುಗಿಯಿತು ಆಟವೆಂದು ತೆರಳಿದೆ.

ಇನ್ನು ನೆನಹು ಮಾತ್ರ,

ದೀಪದ ನೆನಪು,

ಬೆಳಕ ನೆನಪು ಮಾತ್ರ,

ಮುಂದಿನ ಬಾಳ ಯಾತ್ರೆಗೆ.