ಎದೆಯೊಳಗಿನ ಭಯ

ನನ್ನ ಇಷ್ಟಪಡದ ಯಾವುದೋ ಒಂದು ವಿಷಯವಿದೆ,

ಹೆಪ್ಪುಗಟ್ಟಿದ ಎದೆಯ ನೋವು ನನ್ನ ಕೆಳಗೆ ಎಳೆಯುತ್ತಿದೆ,

ಸೂರ್ಯನ ಬಿಸಿಲಿಗೆ ಎದೆಯ ತೆರೆದು ನೋವು ಹಾರಿಹೋಗಲೆಂದು,

ಬಿಸಿಲಿಗೆ ಮೈಯೊಡ್ಡಿ ಬೆತ್ತಲಾಗಿ ನಿಂತಿರುವೆ ಹಾರಿಹೋಗು, ಹೋಗು.

 

ನಾನೊಂದು ಬೇಟೆಗೆ ಹೊರಟಿದ್ದೆ, ಜಿಂಕೆಯೊಂದನು ಸೆರೆಹಿಡಿಯಲು,

ಕಾಡಿನೊಳಗೆ ಒಳಹೊಕ್ಕು ಬೆದರಿದೆ ಬಂದ ದಾರಿ ಕಾಣದೆ,

ಹಕ್ಕಿಗಳಿಂಚರ, ತಂಪಾದ ಗಾಳಿ ಹಣೆಯ ಮೇಲೆ ಬೆವರಿಳಿಸಿದೆ,

ಬಂದುದನೆ ಮರೆತಿದ್ದೆ, ಬೆದರಿದ್ದೆ, ಬೆವತಿದ್ದೆ, ಕೊರಗಿದೆ.

 

ತಲೆಮರೆಸಿಕೊಂಡೆ, ಎದೆಯೊಳಗಿನ ಭಯಗಳಿಗೆ ಸೋತು ಕೂತೆ,

ಅಲ್ಲೇ ಇದ್ದ ಕಲ್ಲೊಂದರ ಮೇಲೆ ಹಾಗೇ ಕೂತೆ ಬೇಸರವ ಕಳೆಯಲು,

ಕಾಡಿಗೆ ವಸಂತ ಬಂದನೆಂದು ಕೇಳಿದ್ದೆ, ಎಲ್ಲಿರುವನೆಂದು ಹುಡುಕಿದೆ,

ಎಲ್ಲಿ ಕಾಣುವೆನೆಂದು ಕಾಣುವ ಬೆದರಿದ ಬೆಟ್ಟವ ನೋಡುತ್ತಾ ಕುಳಿತೆ.