ಜನನಿ, ಓ! ಜನನಿ

ಜನನಿ, ಓ! ಜನನಿ,

ಈ ಭೂಮಿಗೆ ತಂದವಳು ನೀನಲ್ಲವೇ!,

ಈ ಕಂಗಳ ಬೆಳಕು ನೀನೇ ಅಲ್ಲವೇ!,

ಈ ಕಂಗಳು ಮೊದಲು ನೋಡಿದ ದೇವತೆ ನೀನಲ್ಲವೇ!,

ನೀನೇ ನನಗೆ ವಿಶ್ವವಲ್ಲವೇ!

ಹಸಿವಾದಾಗ ಉಣಿಸಿದವಳು ನೀನು,

ಬಿದ್ದು ನೋವಾದಾಗ ನೋವುಂಡವಳು ನೀನು,

ನೀನಿಲ್ಲದೆ ನಾನು ಹೇಗಿರಲಿ?,

ನಿನ್ನ ಆಸರೆಯಲ್ಲಿ ಬೆಚ್ಚಗೆ ನಿದಿರೆಯ ತರುವೆ,

ನಿನ್ನ ಕೈಯಲ್ಲಿ ತಂಗಾಳಿಯ ಕರೆತರುವೆ,

ನಿನ್ನ ಕೈ ತುತ್ತು ಅಮೃತವು ಎನಗೆ,

ನಿನ್ನ ಅಡಿಗಳಲ್ಲಿ ಅಡಗಿದೆ ಸ್ವರ್ಗ,

ಅಮ್ಮಾ,ಅಮ್ಮಾ ಎಂದರದೇ ಸ್ವರ್ಗ.