ಇರುಳ ನೆರಳಿನ ಪಯಣ

ಇರುಳ ಕತ್ತಲಿನಲ್ಲಿ ಬಯಕೆಗಳ ಕನಸ ನೆರಳ ಹೆಣೆದೆ,

ರಾತ್ರಿಯ ಪ್ರಶಾಂತ ಕತ್ತಲೆಯ ನೆಲಹಾಸಿನ ಮೇಲೆ,

ಅಸ್ಪಷ್ಟ, ಅಗೋಚರ, ಅಲೆದಾಟ, ತೀರದ ದಾಹ,

ಇರುಳ ಕತ್ತಲೆಯಲ್ಲಿ ನಡೆವ ದಾರಿ ಕಾಣದಾಯಿತು.

ಪ್ರಯಾಣದ ದಾಹ, ಬಾಯಾರಿಕೆ, ಹತಾಶೆ,

ಬಳಲಿಕೆ,ದಾಹ ತಣಿಸುವರೆಂದು ಕಾಯುವಿಕೆ,

ಕಣ್ಣರಳಿಸಿ ನೋಡಿದರೂ ಸುತ್ತಲೂ ಬರೀ ಕತ್ತಲೆ,

ಭಯ ಕತ್ತಲ ಆವರಿಸಿ ದೇಹ ಬೆವೆತಿದೆ ದಾರಿ ಕಾಣದೆ.

ಮುಂದೆ ಹೆಜ್ಜೆ ಇಡುವುದೋ!, ದ್ವಂದ್ವ,

ಮುಂದೆ ದಾರಿ ಕಾಣುವುದೇ!, ಪ್ರಶ್ನಾರ್ಥಕ,

ಮರದ ಬುಡದಲ್ಲಿ ಬೆವೆತು ಮಲಗಿದೆ,

ನಾಳೆಯ ಕರಾಳ ಚಿತ್ರವ ನೆನೆದು ಬೆದರಿದೆ.

ದಾಹ, ಬಳಲಿಕೆ, ತಂಪಾದ ಗಾಳಿಗೆ ನಿದ್ದೆಯ ನಶೆ,

ಕನಸ ಪಯಣದಲ್ಲೂ ಬಯಕೆ ನೆರಳು ಹೆಣೆದಿದೆ,

ಹಕ್ಕಿಗಳಿಂಚರ, ಬೆಳಗಿನ ಮಂಜು ಎಚ್ಚರಿಸಿತು,

ಭಯ ಕರಗಿತು, ಸೂರ್ಯೋದಯ ತೆರೆ ಎಳೆದಿತ್ತು.