ದೂರ ಹೋಗದಿರು ಗೆಳೆಯಾ!.

ದೂರ, ಬಹುದೂರ  ಹೋಗದಿರು ಪ್ರಿಯ ಗೆಳೆಯಾ,

ದೂರ ಹೋಗಬೇಕೆಂದು ಎಂದೂ ಯೋಚಿಸದಿರು,

ನಾ ನಿನ್ನ ಬಿಟ್ಟಿರಲಾರೆ, ದಿನವಲ್ಲ ಕ್ಷಣ ಮಾತ್ರವೂ,

ದಿನವಲ್ಲ, ಕ್ಷಣವೂ ದುರಾಗುವುದ ಯೋಚಿಸಲಾರೆ.

ಈ ಹೃದಯದ ಚೈತನ್ಯವೇ ನೀನು,

ನೀ ದೂರಾದರೆ ನಾ ಉಳಿಯುವೆನೇ?

ಈ ದೇಹದ ಪ್ರಾಣವೇ ನೀನಲ್ಲವೇ!,

ಉಸಿರು ನಿಂತ ಮೇಲೆ ಶವವೇ ತಾನೇ.

 

ಕಡಲು ನೀನು, ನಿನ್ನಲ್ಲಿ ಕರಗುವೆ ನಾನು,

ಕಣ್ಣು ನೀನು, ಕಣ್ಣು ರೆಪ್ಪೆ ನಾನು,

ಒಬ್ಬರನೊಬ್ಬರು ಬಿಟ್ಟಿರದವರು ನಾವು,

ದೇಹ ನಾನು, ಪ್ರಾಣ ನೀನು, ಅಂತರ್ಯಾಮಿ.

 

ದೂರ, ಬಹುದೂರ  ಹೋಗದಿರು ಗೆಳೆಯಾ!.