ಚಿತ್ತಾರದ ಕನಸು

ನಿನ್ನ ನೆನಪಿನ ಣೆಯೇರಲು ನನ್ನೊಳಗೆ ಕಾಡುತ್ತಿದೆ,

ಕಾಡುವ ಇರುಳ ಕನಸಿನ ದೇವತೆ ನೀನು,

ಸಂಶಯಾನದ ಮೌನಗೀತೆಯಲ್ಲಿ ನೀ ಪ್ರತಿದ್ವನಿಸುವೆ,

ಕಾಡಿನ ಕಣಿವೆಯ ಮೌನರಾಗವು ನೀನೇನೆ.

 

ರಾಧಾ-ಕೃಷ್ಣರಂತೆ ಪ್ರೀತಿಸುವ ಬಾ,

ಹೋಳಿಯ ಬಣ್ಣಗಳಲ್ಲಿ ನಿನ್ನ ನಗುವ ಕಂಡೆ,

ಇರುಳು ಎಂದೂ ಮುಗಿಯದಿರಲಿ ಸದಾ,

ಹೃದಯಗಳು ಬೆರೆತು ಸಂಭ್ರಮಿಸಲಿ ಸದಾ.

 

ನಿದಿರೆ ದೂರಾಗಿ ಹೊಸ ಕನಸುಗಳ ತೆರೆದಿದೆ,

ಕತ್ತಲೆಯ ಭಯ ದೂರಾಗಿ ಹೊಸತನ ಮೇಳೈಸಿದೆ,

ಬೆಳಕಿನ ಚಿತ್ತಾರದಂತೆ ಮನವು ಕುಣಿದಿದೆ,

ನಮ್ಮ ಪ್ರೀತಿ ಹೃದಯದೊಳಗೆ ನರ್ತಿಸಿದೆ.

 

ನೀ ಮನದಲ್ಲಿ ಹೆಜ್ಜೆ ಇಡಲು ಆನಂದವೇ!,

ಮೈ-ಮನಗಳಲ್ಲಿ ಸದಾ ಸಂತೋಷವೇ!,

ಹೃದಯದ ಮಿಡಿತದಲ್ಲಿ ನೀ ಬೆರೆತುಹೋಗು,

ಉಸಿರಿನ ಕಣ-ಕಣಗಳಲ್ಲಿ ನೀ ಕರಗಿ ಹೋಗು.