ಬಾರದ ಸಮಯ

ಕಚೇರಿ, ಕೆಲಸ, ಮನೆ,
ಸಮಯವಿಲ್ಲ ಮಾತಾಡಲು, ಮನಸಾರೆ।
"ಅಹಂ" ಸುತ್ತ ತಿರುಗುವ ನಿತ್ಯದ ನಾಟಕ,
ನಮ್ಮತನವ ಮರೆತು, ಬದುಕು ಬತ್ತದ ಪಾತಕ।

 

ಒಳಗುದಿಯಲಿ ತೊಳಲಾಟ, ಹೊರಬರಲಾರದೆ ಪರಿತಾಪ,
ಮುಖದಲ್ಲಿ ಗಂಟು, ಸಿಟ್ಟು, ಸಿಡುಕು,ನಿತ್ಯದ ಭಾವದ ತಾಪ।
ಜೀವನಸಂಜೆಗೆ ಕಾಲಿಡುತ್ತಿದ್ದೇವೆ,
ಆನಂದದ ಬೆಳಕು ಮರೆಯುತ್ತಿದ್ದೇವೆ.

 

ಬಾಲ್ಯದ ಸ್ನೇಹ, ಆಟದ ನಗು,
ಮನದ ಪರದೆಯ ಮೇಲೆ ಹಚ್ಚಹಸಿರು ಬಿಂಬಗಳು।
ಆ ಕ್ಷಣಗಳು,ಮತ್ತೆ ಬಾರದ ಸಮಯ,
ಕಳೆದುಹೋದ ಗಳಿಗೆಗಳಿಗೆ ಹೃದಯದ ಕಂಬನಿಯ ನಮನ।

 

ಎಷ್ಟೊಂದೆಲ್ಲವೂ ಕಳೆದುಹೋಯಿತು,
ಅನೇಕ ನಗು, ಹಲವು ನೆನಪು,
ಮತ್ತೆ ಬರಲಿ ಆ ದಿನಗಳು,
ಬಾಲ್ಯದ ಬಿಸಿಲು, ಮಿತಿಯಿಲ್ಲದ ಪರಿಧಿಗಳು।