ಹೊಸ ಕನಸುಗಳ ಸಂಜೆ

ಈ ಸಂಜೆ ಮನವ ಕಾಡಿದೆ,

ತಂಗಾಳಿ ಬಿಸಿ ಸಂತಸ ತಂದಿದೆ.|

ಬಂಗಾರ ಕಿರಣದ ತೆರೆ ಏರಿದೆ,

ಕತ್ತಲ ಪರದೆ ಮೆಲ್ಲನೆ ಇಳಿದಿದೆ.|| 

 

ಹಕ್ಕಿಗಳಿಂಚರ ಹರಡಿದೆ ಎಲ್ಲೆಡೆ,

ಮನದಲ್ಲೇನೋ ಹೊಸತನ ಮನೆಮಾಡಿದೆ.|

ನಿನ್ನೆಗಳ ಹಳತನು ತೊಳೆದಿದೆ,

ತಿಂಗಳ ಬೆಳಕು ಹೊಸ ಕನಸನೆ ಕಟ್ಟಿದೆ||

 

ಆಗಸದಲ್ಲಿ ತಾರೆಗಳು ನಲಿಯುತ್ತಿವೆ,

ಮನದ ಕಡಲಿನಲ್ಲಿ ಅಲೆಗಳನೆಬ್ಬಿಸಿದೆ.|

ಮನವು ಹಕ್ಕಿಯಾಗಿ ಆಗಸದಲ್ಲಿ ತೇಲಿದೆ,

ಹಾರುತ್ತಾ ಹೊಸಲೋಕವನೇ ಬಯಸಿದೆ.||

 

ಸಂಜೆಗೆಂಪಿನ ಬೆಳಕು ತೇರನೇರಿ ಹೊರಟಿದೆ,

ಮನದೊಳಗೆ ಕನಸುಗಳು ರಥವನೇರಿ ಬಂದಿದೆ.|

ಭರವಸೆಗಳ ಬಲದಿ ದೃಢವಾಗಿ ಮುನ್ನಡೆದಿದೆ,

ನಾಳೆಗಳ ಸ್ವಾಗತಿಸುತ್ತಾ ಹೊಸ ಗುರಿಯ ಬೆನ್ನಟ್ಟಿದೆ.||