ಗೆಳೆತನ-ಸಂಭ್ರಮ

 

ಗೆಳೆತನ ಒಂದು ಅಮೂಲ್ಯ ಪಯಣ
ಅಲ್ಲಿ ನಗುವಿದೆ, ಅಳುವಿದೆ, ಹಾಸ್ಯವಿದೆ
ಜೀವನದ ಎಲ್ಲ ಪ್ರಶ್ನೆಗಳಿಗೆ  ಉತ್ತರವಿದೆ
ದುಃಖ, ದುಮ್ಮಾನಗಳಿಗೆ ರಾಮಬಾಣವಿದೆ

 

ನೆಮ್ಮದಿಯ ದಾರಿ ಕಾಣುವುದು ಗೆಳೆತನದಲ್ಲಿ
ನಮ್ಮ ಜೀವನದ ಗುರಿ ಬೇರೆ ಬೇರೆಯಾದರೂ
ನಮ್ಮ ಪಯಣದ ಹಾದಿ ಒಂದೇ ಆಗಿದೆ

 

ಹತ್ತುವ, ಇಳಿಯುವ ನಿಲ್ದಾಣಗಳು ಬೇರೆ ಬೇರೆಯಾದರೂ
ನಾವೆಲ್ಲರೂ ಹತ್ತಿದ್ದೇವೆ ಗೆಳೆತನವೆಂಬ ರೈಲು
ಎಲ್ಲಿ ಇಳಿಯುವೆವೋ ಬಿಡಿ, ಚಿಂತೆ ಬೇಡ
ಈ ಪಯಣವೇ ನಮ್ಮ ಅನುಭವ, ನಮ್ಮ ಸಂಭ್ರಮ