ಸ್ವರ್ಗ ಸುಖ ಈ ಪ್ರಯಾಣ

ಹೆಜ್ಜೆ ಹೆಜ್ಜೆ ಮುಂದಡಿ ಇಡಲು ಸುತ್ತಲೂ ಕತ್ತಲು,

ನಡೆವ ಹಾದಿಯಲ್ಲಿವೆ ಕಲ್ಲು ಮುಳ್ಳುಗಳು,

ಮುಂದೆ ಏನಿದೆ? ಲವಲೇಶವೂ ಅಂದಾಜಿಲ್ಲ,

ಸೂರ್ಯನ ಬೆಳಕಿಂಡಿ ಮೆಲ್ಲನೆ ತೆರೆಯುತಿರಲು,

ಕಂಗಳ ಮುಂದೆ ಅನಾವರಣ - ಭೂ ಸ್ವರ್ಗ,

ಬೆಳಕಿನ ಸ್ಫೂರ್ತಿಯಿಂ ಹಾಡುತಿದೆ ಹಕ್ಕಿಗಳು,

ಕಲರವ ಸುತ್ತ ಮುತ್ತಲೂ , ಹೃದಯದಲ್ಲೂ ರಿಂಗಣ,

ಮರ ಗಿಡಗಳು ತಲೆದೂಗುತ್ತಿವೆ ಹಕ್ಕಿಗಳಿಂಚರಕೆ,

ಮನವು ಕುಣಿಯುತಿದೆ ಭೂರಮೆಯ ಸೌಂದರ್ಯಕೆ,

ನಡೆಯುತ್ತಾ, ಅನುಭವಿಸುತ್ತಿದೆ ಸೃಷ್ಟಿಯ ಸೊಬಗ,

ಕಣ್ಣು, ಕಿವಿ, ಈ ಹೃದಯಕ್ಕೆ ಸ್ವರ್ಗ ಸುಖ ಈ ಪ್ರಯಾಣ.