ನೀನು ಹುಟ್ಟಿನಿಂದಲೇ
ಕಲ್ಲಿನಿಂದ ಕಡೆದ ಪ್ರತಿಮೆಯಲ್ಲ
ಅಥವಾ ಭೂಮಿಯೊಳಗೆ ಬೇರು ಬಿಟ್ಟು
ಬೆಳೆದ ಮರವಲ್ಲ
ಹುಟ್ಟಿದಾಗಿನಿಂದಲೇ
ನಿನ್ನಲ್ಲಿದೆ ಸಹಜತೆ
ಅದು ಶುದ್ಧ ಹಾಗೂ
ಪರಿಪೂರ್ಣವಾದುದು।।
ಯಾವ ಪಂಜರವೂ ನಿನ್ನ
ಹಿಡಿದಿಡಲಾಗದು
ಯಾವ ತಲೆಬರಹವೂ ನಿನ್ನ
ವರ್ಣಿಸಲಾಗದ್ದು
ನೀನು ಚೈತನ್ಯಪೂರ್ಣನೂ
ದ್ರವದಂತೆ ಬದಲಾಗುವವನು||
ನೀನು ಕಲ್ಲಲ್ಲ , ಬಂಡೆಯಂತೂ ಅಲ್ಲವೇ ಅಲ್ಲ
ಎಷ್ಟೊಂದಿದೆ ಈ ಪ್ರಪಂಚದಲ್ಲಿ
ಶೋಧಿಸಲು
ಅಲೆದಾಡು ಸಹಸ್ರ ದಾರಿಗಳಲ್ಲಿ
ತಟ್ಟು ಕಂಡ ಕಂಡ ಬಾಗಿಲುಗಳನ್ನು||
ನಿನ್ನ ಸಾಹಸಗಳನ್ನು ಇಂದಿಗೂ
ನಿಲ್ಲಿಸದಿರು
ನಿನ್ನೊಳಗಿನ ಚಿಕ್ಕ ತರಲೆ ಮಗುವ
ಆಲಂಗಿಸಿಕೋ
ಭಯರಹಿತನಾಗು, ಕುತೂಹಲವನೆಂದೂ ಉಳಿಸಿಕೋ
ಯಾವಾಗಲೂ ಸಕಾರಾತ್ಮಕವಾಗಿರು, ಸಹಜತೆಯ ಉಳಿಸಿಕೋ।।
ಪ್ರೇರಣೆ: Stay Wild
By MS Moem
No comments:
Post a Comment