ಹೀಗೆ ನೋವಿನಲಿ ಬಳಲುತ್ತಿದ್ದೆ
ಒಮ್ಮೆ ಮನಕೆ ಗೋಚರಿಸಿತು||
ಅದೊಂದು ಮುಂಜಾನೆ
ದಿಕ್ತಟದಲ್ಲಿ ನೋಟ ನೆಟ್ಟಿತ್ತು
ಮೂಡಣದಲ್ಲಿ ರವಿಯ ಮೊದಲ
ಕಿರಣಗಳು ಭೂಮಿಯ ತಲುಪುವ
ತವಕದಲ್ಲಿತ್ತು
ಮನದಲ್ಲಿ ಹೊಸತೊಂದು
ಬಾಗಿಲು
ತೆರೆದುಕೊಳ್ಳುತ್ತಿತ್ತು
ಮನದಾಳದಲ್ಲೊಂದು ಅವ್ಯಕ್ತಭಾವ
ವಿಲವಿಲನೆ ಒದ್ದಾಡುತ್ತಿತ್ತು
ಹಾಗೆ ಒಮ್ಮೆಲೇ ಏನೋ
ನನ್ನಿಂದ ಬಿಟ್ಟು ಹೋದಂತಾಯಿತು
ಏನೋ ಒಂದು ರೀತಿಯ ಉಲ್ಲಾಸ
ಮನದ ತುಂಬೆಲ್ಲಾ ಮನೆಮಾಡಿತು
ಏನೋ ಗಳಿಸಿಕೊಂಡ ವಿಜಯದ ಭಾವ
ಮುಖದಲ್ಲಿ ಚೈತನ್ಯ
ಹೊರಹೊಮ್ಮಿತು||
No comments:
Post a Comment