ಪವಿತ್ರ ಸ್ವಾತಂತ್ರ

ಕಷ್ಟ ಸಹಿಸಿ, ನೋವು ಅನುಭವಿಸಿ,

ಪ್ರಾಣ ಹರಣ, ರುಧಿರ ಹರಿಸಿ,

ಗಳಿಸಿದೆವು ಈ ಅಮೂಲ್ಯ ಸ್ವಾತಂತ್ರ!

 

ಬೂಟುಗಾಲುಗಳಿಂದ ಒದೆಸಿಕೊಂಡವರೆಷ್ಟೋ?

ಎದೆಯ ಛೇಧಿಸಿದ ಗುಂಡುಗಳೆಷ್ಟೋ?

ನೇಣಿಗೆ ಒಡ್ಡಿದ ಕೊರಳುಗಳೆಷ್ಟೋ?

ತ್ಯಾಗದಿಂದ ಗಳಿಸಿದೆವು ಈ ಸ್ವಾತಂತ್ರ!

 

ಭಿಕ್ಷೆಯಾಗಿ ಸಿಕ್ಕಿಲ್ಲವೀ ಸ್ವಾತಂತ್ರ!

ಕಣ್ಣೀರು, ನೋವು, ಹುತಾತ್ಮರ ತ್ಯಾಗ,

ವೀರ ಯೋಧರ ಸಮಾಧಿಯ ಮೇಲೆ

ಬೆಳೆದೆವು ನಮ್ಮ ಭವಿಷ್ಯದ ಸ್ವಾತಂತ್ರ!.

 

ರಾಜಕೀಯ, ಸ್ವಾರ್ಥ ಸಾಧನೆಯಿಂದ 

ನಿಜ ಸ್ವಾತಂತ್ರದ ಹರಣವಾಗಿದೆ.

ಹುತಾತ್ಮರ ಬಲಿದಾನ ವ್ಯರ್ಥವಾಗಿಸದಿರೋಣ

ಅವರ ತ್ಯಾಗದ ನೆಲೆಯ ಮೇಲೆ

ಅರಳಿಸೋಣ ಈ ಸ್ವಾತಂತ್ರ್ಯದ ಹೂವು.

 

ಅವರ ಕನಸುಗಳನ್ನು ಜೀವಿಸೋಣ,

ನಮ್ಮ ನಾಳೆಗಳನ್ನು ಬೆಳಗಿಸೋಣ,

ಉಳಿಸಿಕೊಳ್ಳೋಣ, ಗೌರವಿಸೋಣ

ಸ್ವಾತಂತ್ರ, ಈ ಪವಿತ್ರ ಸ್ವಾತಂತ್ರ.