ನಡೆ ಮುಂದೆ, ನಡೆ ಮುಂದೆ.....

 ಅವನತಿಯ ಯೋಚನೆಗಳ ದೂರ ತಳ್ಳು,

ಸಂತೋಷದ, ಧನಾತ್ಮಕತೆಯ ಚಿಂತನೆಯ ತಬ್ಬು.|

ಋಣಾತ್ಮಕತೆ,ಹೀಗೆಳೆಯುವವರ ಸಂಗ ತೊರೆ,

ನಿನ್ನ  ಜೀವನದ ಶಿಲ್ಪಿ ನೀನೇ, ನಡೆ ಮುಂದೆ, ನಡೆ ಮುಂದೆ.||

 

ಸಂತೋಷದಿಂದಿರುವವರ ಬಳಿ ಎಲ್ಲವೂ ಇಲ್ಲ,

ಎಲ್ಲದರಲ್ಲಿಯೂ ಅವರು ಸಂತೋಷವ ಕಾಣ್ವರು.|

ಬಿಡು ನೋವಿನ, ಗತ ಕಾಲದ ಚಿಂತೆ ಕಂತೆಗಳ,

ಇರುವುದೊಂದೇ ಜೀವನ ಸಂತಸವ ಕಾಣು, ನಡೆ ಮುಂದೆ, ನಡೆ ಮುಂದೆ.||

 

ಸಂತೋಷ ಹುಡುಕುವವರು ಲೋಕದ ಎಲ್ಲೆಗಳಲಿ,

ಭ್ರಮೆಯೆಂದು ತಿಳಿದಿಲ್ಲ ಅಲೆಮಾರಿಗಳವರು.|

ಎಲ್ಲೋ ಹುಡುಕುವ ತವಕದಿ ಮರೆವರು,

ಹೃದಯದಲ್ಲೇ ಅಡಗಿಹ ಆ ಮುತ್ತು ರತ್ನಗಳ, ನಡೆ ಮುಂದೆ, ನಡೆ ಮುಂದೆ.||