ಅಜ್ಞಾತ ಹಾದಿಯ ಹೆಜ್ಜೆಗಳು

 ಯಾರೂ ನಡೆಯದ ಹಾದಿಯಲ್ಲಿ,

ನಡೆವುದೇ ಒಂದು ರೋಚಕ|

ಜೊತೆಗಾರೂ ಹೆಜ್ಜೆ ಹಾಕುವರಿಲ್ಲ,

ಪ್ರತಿ ಹೆಜ್ಜೆಯಲ್ಲೂ ಕೌತುಕ||

 

ಬುದ್ಧಿಯಿಲ್ಲ ಹುಚ್ಚನೆನ್ನುವರು,

ಠೀಕೆ ಟಿಪ್ಪಣಿಗಳಿಗೆ ಹೆದರದಿರು|

ಹೀಯಾಳಿಸಿ, ಅವಮಾನಿಸುವರು,

ಕಿವಿಗೆ, ಮನಸಿಗೆ ಹಾಕಿಕೊಂಡು ಬೆದರದಿರು||

 

ಕೊರತೆ ಯಾರಲಿಲ್ಲ ಹೇಳು!,

ಇದ್ದದ್ದೇ ಅದು, ಮುಂದೆ ಹೆಜ್ಜೆಯಿಡು।

ಅವಮಾನಿಸುವವರು ಮಾಡುತ್ತಲೇ ಇರಲಿ,

ಪ್ರಯತ್ನದಲ್ಲಿ ಮಾತ್ರ ನಿನ್ನ ನಂಬಿಕೆಯಿಡು||

 

ಯಾರೂ ನಡೆಯದ ಹಾದಿಯಲ್ಲಿ,

ನಡೆವುದೇ ಕತ್ತಲಲಿ ನಡೆವಂತೆ|

ನಂಬಿಕೆಯೇ ಕತ್ತಲ ಹಾದಿಯ ಕಂದೀಲು

ಧೈರ್ಯದಿ ಹೆಜ್ಜೆ ಹಾಕುತಿರೆ ತೆರೆವುದು ಹೊಂಬಿಸಿಲು||