ನೋವಿನ ಅಲೆಗಳು

 ಏಕೆ ಬರುವಿ ನೋವೇ?

ಕಾರಣ ಹೇಳಿ ಬಾ...,

ಕಾರಣವಿಲ್ಲದೆ ಬಂದು

ನರಳುವಂತೆ ಮಾಡಿ ಹೋಗುವೇ!।।

 

ಎಂದೋ ಆಗಿ ಹೋದ ಕನಸದು,

ಕಡಲ ಅಲೆಗಳು ದಡಕೆ,

ಬಂದು ಬಂದು ಅಪ್ಪಳಿಸುವುವು,

ಕನಸುಗಳನೆಲ್ಲಾ ನುಚ್ಚುನೂರು ಮಾಡುತ್ತಾ...||

 

ಎಂದೋ ಆದ ನೋವದು,

ಮನದಲಿ ಅಳಿಯದೆ ಹಸಿರಾಗಿದೆ,

ನೋವ ಕಡಲಲಿ ಕೈ ತೊಳೆಯುತ್ತಾ,

ಮನದ ದಡಕೆ ಅಪ್ಪಳಿಸುವುದು ದಿನವೂ ||

 

ಉಸಿರೇ ಸುಡುವ ಜ್ವಾಲಾಗ್ನಿಯಾಗಿ,

ಸುಡುತಿದೆ ಒಳಒಳಗೆ,

ಕೊನೆಯಿಲ್ಲದ ನೋವಿಗೆ,

ಆರಂಭವಿದ್ದುದು ದಿಟ, ಅಂತ್ಯವಿರುವುದೇ?