ಸಂತಸದ ಹೆಜ್ಜೆಗಳು

ಬಾ ಜೊತೆಯಾಗಿ ನಲಿಯುತಾ ಹೆಜ್ಜೆ ಹಾಕೋಣ,

ಕೈ ಹಿಡಿದು ಗುನುಗುತ್ತಾ ನಗುತ್ತಾ ಮಾತಾಡೋಣ.

ಜೀವನ ಜಂಜಾಟದಲ್ಲಿ ಕಷ್ಟ-ನಷ್ಟಗಳು ಇದ್ದದ್ದೇ!,

ಈ ದಿನ ಎಲ್ಲವ ಮೂಲೆಗುಂಪಾಗಿಸಿ ನಲಿಯೋಣ.

 

ತಲೆಯಲ್ಲಿ ತುಂಬಿದೆ ನೂರೆಂಟು ಗಂಟು-ಮೂಟೆ,

ಯಾವುದೂ ಪ್ರಯೋಜನಕ್ಕೆ ಬಾರದ ಘನ ಕಸವದು.

ನೆಮ್ಮದಿಯ ಹಾಳುಮಾಡಿ, ಸಿಹಿ ನಿದ್ದೆ ಕೆಡಿಸುವುದು,

ಜೀವನ ಪ್ರೀತಿಯ ಕಸಿದುಕೊಂಡು ರಕ್ತ ಹೀರುವುದು.

 

ಮನದ ಕೊಳೆಯನ್ನೆಲ್ಲಾ ಧ್ಯಾನದಿ ತೊಳೆಯೋಣ,

ಹೊಸದಿನ, ಹೊಸಬಗೆಯಲಿ ನಗುತಾ ನಲಿಯೋಣ,

ನವರಾತ್ರಿಯಲ್ಲಿ ತಾಯ ಆಶೀರ್ವಾದ ಪಡೆಯೋಣ,

ನಮ್ಮೆಲ್ಲಾ ನೋವು-ನಲಿವುಗಳ ಸಮದಿ ಸವಿಯೋಣ.