ಮಧುರವೋ? ನೋವೋ?

ಇದೆ ಜಾಗವಲ್ಲವೇ?

ನಾನು ಇಲ್ಲಿಯೇ ಬಿದ್ದದ್ದು,

ಜ್ಞಾನ ತಪ್ಪಿದ್ದು,

ಮತ್ತೆ ಜೀವನದಲ್ಲಿ ಏಳಲಾರದೆ ಪರಿತಪಿಸಿದ್ದು,

ಇದೆ ಉದ್ಯಾನವಲ್ಲವೇ?

ನಾ ಇಷ್ಟ ಪಟ್ಟಿದ್ದು?

ಇಂದೇಕೆ ಮನವು ತೊಳಲುತ್ತಿದೆ,

ಸಂತಸ ಮಾಯವಾಗಿದೆ,

 ಕಾರ್ಮೋಡ ಬೆನ್ನು ಹತ್ತಿದೆ,

ಓ! ಇದೇ ಹೂವಿಗೆ ಮನ ಸೋತಿದ್ದು,

ಅದರ ಬಣ್ಣ, ಪರಿಮಳ ಮನ ಸೆಳೆದಿತ್ತು,

ಅದರ ಹೆಸರ ಹುಡುಕುತ್ತಾ ಅಲೆಮಾರಿಯಾದೆ,

ಹುಡುಕುತ್ತಾ. ಹುಡುಕುತ್ತಾ ಎಡವಿ ಬಿದ್ದೆ,

ಎಲ್ಲವು ನೆನಪಾಗಿದೆ, ಮಧುರವೋ? ನೋವೋ?