ಜೀವನ ನಾಟಕ

ಬೆಳ್ಳಂ ಬೆಳ್ಳಿಗೆ ಕಣ್ಣು ತೆರೆವುದು,

ಹಳ್ಳಿಗಳಿಂದ ಬರುವ ತರಕಾರಿ, 

ಹಣ್ಣು, ಹೂವು ಮಾರಾಟದ ಮಳಿಗೆ,

ಜೀವನದ ಹಾದಿಯ ಪಯಣ ನಿರಂತರ.

ಕೆಲವರಿಗೆ ದಿನದ ಹೊಟ್ಟೆಪಾಡು,

ಮತ್ತೆ ಕೆಲವರಿಗೆ ಹಣ ಮಾಡುವ ದಂಧೆ,

ಮತ್ತೆ ಕೆಲವರಿಗೆ ಜೀವನ ಪ್ರೀತಿ,

ಮತ್ತೆ ಕೆಲವರಿಗೆ ಮೋಸ ಮಾಡುವ ಚಾಕರಿ.

ನಗರದ ಅಂಗಡಿ ಬೀದಿಗಳು,

ಬೀದಿ ದೀಪಗಳು, ಕಟ್ಟಡಗಳು,

ದಿನವೂ ನಾಟಕ ನೋಡಿ ನೋಡಿ,

ನಗುತ್ತಿವೆ ಮಾನವನ ಪಾಡು ಕಂಡು.  

ಕೆಲವು ಮುಖಗಳಲ್ಲಿ ರಾಕ್ಷಸತನ,

ಕೆಲವು ಮುಖಗಳು ಹಸುಳೆಗಳು,

ಮತ್ತೆ ಕೆಲವು ಕಾಡು ಮೃಗಗಳು,

ಮತ್ತೆ ಕೆಲವು ನರಿಗಳೇ ಸರಿ.