ಮುಸ್ಸಂಜೆ ಮಾತು

ಮುಸ್ಸಂಜೆ ಮೊಡುವ ಮುನ್ನ
ಆಡದ ಮಾತಿನಲ್ಲಿ ಹುರುಪಿದೆ\
ದೀಪ ಮೊಡುವ ಮುನ್ನ
ಮನದಲಿ ಬಯಕೆಯ ಚಿಗುರೊಡೆದಿದೆ\\

ಹಾರೋ ಹಕ್ಕಿಯ ಚಿಲಿಪಿಲಿ ಗಾನ
ಮನದಲಿ ರಾಗರತಿಯ ರಿಂಗಣ\
ತೇಲಿ ಬರುವ ತಂಗಾಳಿಯಲ್ಲಿ
ಮೈಮನಗಳ ಹಂಬಲದ ಭಾವನ\\

ನಕ್ಕು ಬರಮಾಡಿಕೊಂಡಿದೆ ಕಣ್ಣರಳಿಸಿ ಹಣತೆ
ಕಣ್ಣ ರೆಪ್ಪೆಗಳಲ್ಲಿ ಚಿಗುರೊಡೆದಿದೆ ಕಾತರತೆ\
ಮಾತು-ಮೌನ ಒಂದನ್ನೊಂದು ಬಿಡದೆ ಹೆಣದಿದೆ
ಗುಟ್ಟು ಬಿಡದೆ, ಬಿಟ್ಟು ಬಿಡದೆ ಒಂದಕ್ಕೊಂದು ಒಲಿದಿದೆ\\

ಚಂದ್ರ ನಾಚಿ ನೀರಾಗಿ ಹಂಬಲದಿ ಬಳಲಿದೆ
ಬೀಸೋ ತಂಗಾಳಿಯ ಹೊತ್ತು ತಿರುಗೋ ಮುಗಿಲು ಕಪ್ಪಿಟ್ಟಿದೆ\
ಪಿಳಿಪಿಳಿ ಕಣ್ಣುಬಿಟ್ಟು ನೋಡೋ ತಾರೆಗಳು ನಾಚಿಕೆಯಿಲ್ಲದೆ ನಲಿದಿದೆ
ಪ್ರೀತಿಸೋ ಹೃದಯಗಳೆರಡೂ ಬಾಹು ಬಂಧನದಲ್ಲಿ ಹಿತವಾಗಿ ನರಳಿದೆ\\

ಮುಸ್ಸಂಜೆಯಾಯಿತು
ಮಾತು ಮುತ್ತಾಯಿತು\
ದೀಪ ಮೊಡಿತು
ಬಯಕೆ ಸಾಕಾರಗೊಂಡಿತು\\