-ಯಾರು ?-

ಒಂದು ಪ್ರಾಣದಲ್ಲಿ
ಮತ್ತೊಂದು ಪ್ರಾಣವನಿಟ್ಟು ಪೋಷಿಸಿದವರು ಯಾರು?

ಕಣ್ಣಲ್ಲಿ ಬೆಳಕನಿಟ್ಟು
ಬೆಳಕಲ್ಲಿ ಎಲ್ಲವನಿಟ್ಟು ಕುರುಡಾಗಿಸಿದವರು ಯಾರು?

ಹೊರಗುಂಟು ಗಾಳಿ
ಉಸಿರಾಡುವ ವ್ಯವಸ್ಥೆ ನಮ್ಮಲ್ಲಿ ಸಾದರಪಡಿಸಿದವರು ಯಾರು?

ಎಲ್ಲೆಡೆಯಲ್ಲೂ ವ್ಯಾಪ್ತನಾದ
ಎಲ್ಲ ಜೀವಿಗಳಲ್ಲೂ ನೆಲೆಗೊಂಡು ಕಾಣದಂತಾದವರು ಯಾರು?

ಎಲ್ಲೆಲ್ಲೂ ದನಿಯಾಗಿ
ಸಂಗೀತದಲ್ಲಿ ಲೀನವಾಗಿ ಕಂಡು ಕಾಣದಂತಿರುವವರು ಯಾರು?

ನಾವು ನಾವಾಗಿರದೆ
ಯಾರದೋ ಸೆಳೆತಕ್ಕೆ ಒಳಗಾಗಿ ಎಲ್ಲೂ ನಮ್ಮನ್ನು ಸೆಳೆದುಕೂಳ್ಳುವವರು ಯಾರು?