ಬಾನಿನಲ್ಲಿ

ಬಾನಿನಲ್ಲಿ ತಿಳಿ ಮೋಡ ತೇಲುತಿದೆ,

ಸ್ವತಂತ್ರ ಹಕ್ಕಿಯದು ,ದೇಶ,ಭಾಷೆ

ಗಡಿ ಪರಿದಿಗಳ ಅಡಚಣೆಯಿಲ್ಲವದಕೆ

ತೇಲುತ್ತಾ ಹಾರಾಡುವುದದರ ಕಾಯಕ:

ಒಂಟಿಯಲ್ಲ ಅದು ಹೋದಲೆಲ್ಲಾ

ಸಮಾನ ಮನಸ್ಕರು ಜೊತೆಗೂಡುವರು,

ಮನ ಭಾರವಾದಾಗ ಇಳೆಗಿಳಿಯುವುದು

ಆರದೋ ಕಣ್ಣೀರ ಒರೆಸಲು:

ಮತ್ತೆ ಪಯಣ ಗಿರಿ ಕಂದರಗಳಲ್ಲಿ

ಹರಿಯುತ್ತಾ ಸಾಗುವೆವು ಕಾಣದ ಕಡಲಿನೆಡೆಗೆ ,

ಎಷ್ಟು ದೂರವೋ ಆಯಾಸವಿಲ್ಲ ನಮಗೆ:

ತೇಲುವೆವು,ಹರಿಯುವೆವು,ಮೇಲಕ್ಕೇರಿ ನಲಿಯುವೆವು ,

ಯಾರ ಹಂಗೂಯಿಲ್ಲ

ನಮಗೆ, ನಮಗೆ ನಾವೇ ಸಾಟಿ: