ಕಣ್ಣೀರಾಗುವ ಆಸೆ-ಭ್ರಮೆ

ಓಹ್! ಸುಂದರ ಮನೋಹರ ಬೆಳಗು
ಹರಿದು ಬರುತಿದೆ ಸಂತೋಷದ ಹೊನಲು
ಕಣ್ತೆರೆದು ಆಸ್ವಾದಿಸುತಿಹೆ ಪ್ರತಿ ನಿಮಿಷ||

ಅಲ್ಲಿ ಇಲ್ಲಿ ಅಂಗಡಿ ಮುಗ್ಗಟ್ಟು ತೆರೆದಿಹವು ನೋಡು
ಕಾಣದ ಭ್ರಮೆಯಲ್ಲಿ ತೇಲಿಹೋಗುತ ವಶವಾದೆ
ಕಣ್ಣಿದ್ದು ಕುರುಡನಾದೆ ಹಗಲುಗನಸು ಕಂಡು||

ಮುಸ್ಸಂಜೆಯ ಬೆಳಗು ಜಾರುವ ಹೊತ್ತಲ್ಲಿ ನೆನಪಾಯಿತು
ಅಂಗಡಿಯಲ್ಲಿ ವ್ಯಾಪಾರ ಮಾಡುವುದು ಬಹಳಿತ್ತು
ಸಮಯ ಹೋದ ಮೇಲೆ ಕಣ್ಣೀರಿಡುವುದು ಗೊತ್ತು||

ಈ ಜೀವನವೇ ಹೀಗೆ ನೋಡಿ
ಇಲ್ಲದಿದ್ದಾಗ ಆಸೆಪಡುತ್ತೇವೆ
ಇದ್ದಾಗ ಭ್ರಮೆಯಲ್ಲಿರುತ್ತೇವೆ
ಆಸೆ-ಭ್ರಮೆ ಕಳಚಿದಾಗ ಕಣ್ಣೀರಾಗುತ್ತೇವೆ||