ಕೋಳಿ ಜಗಳ

ಇಲ್ಲಿ ಎಲ್ಲವೂ ಗೊಂದಲ
ಮಾತನಾಡುವುದು ಒಂದು
ಮಾಡುವುದು ಇನ್ನೊಂದು
ನಮ್ಮ ಕಣ್ಣಿಗೇ ಕಾಮಾಲೆ
ಅವನ ಕಣ್ಣಿಗೆ ಮೇಡ್ರಾಸ್ ಐ

ಅವ ಮಾನವ ದ್ವೇಷಿ
ಇವ ಮಾನವ ಪ್ರೇಮಿ
ಅವನ ಬರಹ ಮಾನವತಾ ವಾದಿ
ಇವನ ಬರಹ ಜೀವ ವಿರೋಧಿ
ಅವನಿಗೆ ಇವನ ಕಂಡರಾಗದು
ಇವನಿಗೆ ಅವನ ಕಂಡರಾಗದು

ಅವನ ಯೋಗ್ಯತೆ ಇವನೇ ನಿರ್ಧರಿಸುತ್ತಾನೆ
ಅವನ ಹಣೆಬರಹ ಬರೆಯುವ ಬ್ರಹ್ಮ ಇವನೇ
ಪ್ರಶಸ್ತಿಗಳಿಗೆ ಇನ್ನಿಲ್ಲದ ಲಾಬಿ
ಎಲ್ಲರೂ ಲಾಬಿಕೋರರೇ,ಲಜ್ಜೆಗೆಟ್ಟವರು

ನಮಗೋ ಅವರಿವರ ಜಗಳ
entratainment ,ಸಮಯ ಕೊಲ್ಲಲು
ಪ್ರತಿದಿನ ಕಾಯುತ್ತೇವೆ ಪತ್ರಿಕೆಗೆ
ಓದಿ ನಲಿಯಲು ಅವರಿವರ ಕೋಳಿ ಜಗಳ
ನಾಳೆಗಾಗಿ ಕಾಯುತ್ತೇವೆ ಹೊಸತನಕ್ಕಾಗಿ
ಹೊಸ ಕೋಳಿ ಜಗಳಕ್ಕಾಗಿ