-ದೂರ ಹೋದವರು-

ದೂರ ಹೋದವರು ಯಾರು ?
ನಾವೋ ? ನೀವೋ?
ಹೋಗಬೇಡಿ ಹೋಗಬೇಡಿರೆಂದು
ಅಂಗಲಾಚಿ ಬೇಡಿದರೂ
ಮನಸು ಮುರಿದು ಹೋದವರು ಯಾರೋ?\\

ನಂಬಿಕೆಗಳು ಬೇರೆ ಬೇರೆ
ಆಚಾರ ವಿಚಾರ ಬೇರೆ ಬೇರೆ
ನೋಡುವ ದೃಷ್ಟಿ ಬೇರೆ ಬೇರೆ
ಮನಸ್ತಾಪಗಳು ನೂರಿರಲಿ
ಬಗೆಹರಿಸಿಕೊಳ್ಳುವ ಮನವಿಲ್ಲದೆ
ದ್ವೇಷದ ಮೆಟ್ಟಿಲೇರಿ ಹೋದವರು ಯಾರೋ?\\



ಒಂದೇ ಮರದ ರೆಂಬೆಗಳು ನಾವು
ಒಂದೇ ಗಾಳಿ
ಒಂದೇ ನೀರು
ದೇಹದ ರಕ್ತದ ಬಣ್ಣವೂ ಒಂದೇ
ಇದೇ ಮಣ್ಣಿನಲಿ ಬೆಳೆದವರು
ಇಲ್ಲ ಸಲ್ಲದ ಮಾತುಗಳಿಗೆ
ನೀರೆರೆದು ಬೆಳೆಸಿ ಸ್ನೇಹದ ,ಭಾಂದವ್ಯದ ಕೊಂಡಿ ಕಳಚಿಕೊಂಡವರಾರೋ?\\