-ಜವರಾಯ-

ಓ ಜವರಾಯ ನಾನು ನಿನ್ನನ್ನು ತಡೆಯಲಾರೆ!
ಸಿದ್ಧ ವಾಗಿದೆ ನಮ್ಮ ಪಯಣಕ್ಕೆ ಗಾಡಿ
ನಿನ್ನ ಕನಿಕರದಿಂದ ಇಂದು ನಾನು ಜೀವಂತವಾಗಿದ್ದೇನೆ\\


ನಾವು ನಿಧಾನವಾಗಿ ಅವನ ಕಡೆಯೇ ಹೊರಳುತಿದ್ದೇವೆ;
ಅವನಿಗೇನೂ ತ್ವರಿತತೆಯ ಅಗತ್ಯವಿಲ್ಲ, ತಿಳಿದಿದೆ ಅವನಿಗೆ
ನನ್ನ ಕೆಲಸ,ವಿಶ್ರಾಂತಿ ಎಲ್ಲವನ್ನೂ
ಅವನ ಒಳ್ಳೆಯತನ,ನಿಷ್ಠೆಗೆ ಬಿಟ್ಟುಕೊಟ್ಟಿದ್ದೇನೆ\\

ನನ್ನ ಶಾಲೆಯ ಮುಂದೆ ನಿಂತಿದ್ದೇನೆ
ಇಲ್ಲೇ ಹುಡುಗರು ಆಟವಾಡುತ್ತಿದ್ದರೆ
ಆ ಕೆಂಪು ನೆಲದ ಮೇಲೆ ಕುಳಿತು ಗುರುಗಳ ಪಾಠ ಕೇಳುತ್ತಿದ್ದೆವು
ಇದೆ ತೋಟ ,ಗದ್ದೆಗಳಲ್ಲಿ ಓಡಾಡಿ
ಸೂರ್ಯಾಸ್ತವನ್ನು ಸವಿದಿದ್ದೇವೆ\\

ಎಲ್ಲವು ಮುಗಿದು ಈಗ ನಿಂತಿದ್ದೇವೆ
ಆ ಮನೆಯ ಮುಂದೆ ನಮ್ಮ ಸರದಿಗಾಗಿ
ನಿಂತ ನೆಲವೆಲ್ಲಾ ಮುರುಟುವಂತೆ ಭಾಸವಾಗಿದೆ
ಆ ಮನೆಯ ಮೇಲ್ಚಾವಣೆ ಅಂಧಕಾರದಲ್ಲಿ ಮುಳುಗಿದಂತಿದೆ
ಮನೆಯ ಅಂದವೆಕೋ ಕೆಟ್ಟಂತಿದೆ\\

ಇದು ಶತಮಾನಗಳಿಂದ ನಡೆಯುತ್ತಿರುವ ಪ್ರಕ್ರಿಯೆ
ಈ ಜೀವನ ಇಂದು ಕ್ಷ ಣಿಕವೆನಿಸುತ್ತಿದೆ,
ಅದರೂಸಾವಿನ ಆಚೆಯಿರುವ ಸಾವಿಲ್ಲದ ಕಾಲದ ಕಡೆಗೆ ಪ್ರೀತಿಯಿಂದ ಹೆಜ್ಜೆಯಿಡುತ್ತಿದ್ದೇವೆ\\

ಪ್ರೇರಣೆ :" Because I could not stop for death" by Emily Dickinson