-ನಿಲ್ಲದ ಮಳೆ -

ಮಳೆಯು ಬರುತಿದೆ
ಬರದೇ ಬರದೇ ಕಾಯುತ್ತಿರುವ
ಮನಸ್ಸಿಗೆ ಭಾವ ತೀವ್ರತೆ ಬಂದ ಹಾಗೇ
ಮಳೆಯು ಬರುತಿದೆ
ಮನಸ್ಸು ಹರುಷಗೊಂಡಿದೆ \\

ಬೇಸರಗೊಂಡು ಕುಳಿತಿರಲು
ಮತ್ತೆ ಮತ್ತೆ ನೆನಪಾಯಿತು
ಯಾಕಾಗಿ ಕಾಯುತಿಹೆ?
ಯಾರಿಗಾಗಿ ಕಾಯುತಿಹೆ?
ಉತ್ತರ ಸಿಗದ ಪ್ರಶ್ನ್ತೆಯಂತೆ
ಕಣ್ಣ ಮುಂದೆಯೇ ಮಳೆಯು ಸುರಿಯುತಿದೆ\\

ಅಂಗಳದ ಕಸವೆಲ್ಲಾ ಕೊಚ್ಚಿ ಹೋಯಿತು
ಮತ್ತೊಂದು ಸಂಪುಟಕ್ಕೆ ಖಾಲಿ ಜಾಗ ಸಿಕ್ಕಂತೆ
ಧೋ ಎಂದು ಬೀಳುವ ಮಳೆಯ ರಿಂಗಣಕ್ಕೆ
ಮನದ ನೋವೆಲ್ಲಾ ಮರೆತು ಹೋಗಿದೆ
ಹೊಸ ಅಸೆ, ಚೈತನ್ಯ ,ಉತ್ಸಾಹ ಚಿಗುರೊಡೆದಿದೆ\\