ಈ ಬೆಳಕ ಹಣತೆಯ ಹಚ್ಚಿದವರಾರು?

ಈ ಬೆಳಕ ಹಣತೆಯ ಹಚ್ಚಿದವರಾರು?
ಯಾರ ಕೇಳಿ ಈ ಹಣತೆಯ ಹಚ್ಚಿದರೋ?
ಬೆಳಕ ಹಣತೆಯ ಹಚ್ಚಿದ್ದು ಏಕೋ?
ಕತ್ತಲನ್ನೇ ಇಷ್ಟಪಡುವವರಿಗೆ ಈ ಬಗೆಯ ಹಿಂಸೆ ಏಕೋ?||

ಬೆಳಕೆಂದರೆ ಬೆಚ್ಚಿ ಬೀಳುವವರು ನಾವು
ಸದಾ ಕೊರಗುತಾ, ಏಳಲಾಗದೆ ಸೊರಗುವವರು ನಾವು
ಯಾರೂ ಕೈಹಿಡಿದು ಮೇಲೆತ್ತಲಿಲ್ಲ,
ನಮ್ಮ ಮನದ ನೋವಿಗೆ ಸ್ಪಂದಿಸಲಿಲ್ಲ||

ಕತ್ತಲ ಪ್ರೀತಿಗೆ ಮನ ಸೋತವರು ನಾವು
ಕತ್ತಲೇ ನಾವಾಗಿ,ನಾವೇ ಕತ್ತಲಾದವರು ನಾವು
ನಮ್ಮ ಏಕತಾನತೆಯ ರಾಗಕ್ಕೆ ಹಚ್ಚುವವರಾರು ಕಿಚ್ಚು?
ಕತ್ತಲ ಕೂಪದಿಂದ ಮೇಲಕ್ಕೆತ್ತುವವರು ಯಾರು ಬೆಳಕ ಹಣತೆಯ ಹಚ್ಚಿ?||