ಕನಸು ನನಸಾಗುವುದೇ?

ಇಂದು, ನಾಳೆ ಕಾಯುತಿಹೆವು ನಾವು,
ನಮ್ಮಯ ದಿನ ಬರುವುದೆಂದು;
ಹಗಲು,ಇರುಳು ಕನಸೊಂದ ಕಂಡು,
ಕಂಡದ್ದು ನನಸಾಗುವುದೆಂದು;

ಬಿಸಿಲ ಬೇಗೆಯೆ ಬೇಸಿಗೆಯಲ್ಲಿ
ತಂಗಾಳಿಯ ತಂಪನ್ನು ಅರಸಿದಂತೆ;
ಮೋಡಗಳಿಂದ ತಂಪು ಮಳೆಯ ಬಯಸಿದಂತೆ
ಕಾಯುತಿಹೆವು ನಾವು ನಮ್ಮಯ ದಿನ ಬರುವುದೆಂದು;

ಬಯಸಿದೆವು ಮನಸಿನಿಂದೆ ನನಸಾಗುವುದೆಂದು
ಬಯಸಿ ಬಯಸಿ ಬೆಂಡಾಗಿಹೆವು;
ಕನಸು ನಮ್ಮದಾಗುವುದೆಂದು,ಕನಸು ನನಸಾಗುವುದೆಂದು;
ಕಾಯುತಿಹೆವು ನಾವು ನಮ್ಮಯ ದಿನ ಬರುವುದೆಂದು;