ನೀಲಿ ನಭದಾಚೆ

ಅಲ್ಲೊಬ್ಬನಿದ್ದಾನೆ ಚಿಕ್ಕಮಕ್ಕಳ ಗೆಳೆಯ
ನೀಲಿ ನಭದಾಚೆ;
ಆ ಗೆಳೆಯ ಎಂದೂ ಬದಲಾಗದವ
ಅವನ ಪ್ರೀತಿ ಎಂದೆಂದಿಗೂ ಅಮರ;
ಈ ಭೂಮಿಯ ಗೆಳೆಯರು ನಮ್ಮನ್ನು ಬಿಡಬಹುದು
ಹಾಗು ಬದಲಾಗುತ್ತಾರೆ ವರುಷಗಳು ಉರುಳುತಿರೆ,
ಇವನೋ ಬಹು ಅಮೂಲ್ಯವಾದವನು
ಅವನ ಹೆಸರಲ್ಲೇ ಅಷ್ಟು ಸೆಳೆತವಿದೆ.

ಅಲ್ಲಿ ಚಿಕ್ಕಮಕ್ಕಳ ಮನೆಯಿದೆ

ನೀಲಿ ನಭದಾಚೆಯಲ್ಲಿ.

ಕೃಷ್ಣ ನೆಲೆಸಿದ್ದಾನೆ ಅಲ್ಲಿ

ಶಾಂತಿ,ನೆಮ್ಮದಿಯ ತಾಣವದು

ಈ ಪೃಥ್ವಿಯಲ್ಲಿ ಅಂತಹ ತಾಣವೆಲ್ಲೂ ಇಲ್ಲ

ಅದಕ್ಕೆ ಸರಿಸಾಟಿಯಾವುದೂ ಇಲ್ಲ

ಎಲ್ಲರೂ ಸಂತೋಷಿಗಳೇ

ನಿತ್ಯ ಸುಖಿಗಳೇ ಅವರು.

ಪ್ರೇರಣೆ-’Above the Bright Blue Sky’ by Albert Midlane