ಮನದ ಪ್ರಾರ್ಥನೆ

ಹೆಮ್ಮೆಯಿಂದ ನರ್ತಿಸು ಆತ್ಮವಿಶ್ವಾಸದಲಿ
ಪೂರ್ಣ ಅರಳದ ಹೂಗಳ ಅರ್ಪಿಸು
ಮನದ ಪ್ರಾರ್ಥನೆ ಮಂಜಿನಂತೆ ಮೇಲೇರಲಿ
ತಂದೆಯಾತ್ಮ ಹರಸುವುದು ಮನದೊಳಗೆ ।।

ಹೃದಯದ ಕಂಗಳ ತೆರೆ ಹಾಡು ಹೃದಯಗೀತೆ
ತೆರೆ ಮನವ ಸಂತೋಷದಿಂದ ಎಲ್ಲರನೂ ಸತ್ಕರಿಸು
ಎಲ್ಲರ ತುಟಿಯಂಚಲೂ ನಗುವ ಗಮನಿಸು
ತಂದೆಯಾತ್ಮ ಹರಸುವುದು ಮನದೊಳಗೆ ।।

ರೋಮ ರೋಮಗಳಲ್ಲೂ ಮನವಿಟ್ಟು ಕೇಳಿಸಿಕೋ
ಅಂತರಾತ್ಮದ ಅನಂತ ಅನಾದಿಗಾಯನವ
ಹಂಬಲಿಸಿದೆ ಮನ ತಿಮಿರವ ನುಂಗುವ ಬೆಳಕಿಗೆ
ತಂದೆಯಾತ್ಮ ಹರಸುವುದು ಮನದೊಳಗೆ ।।

ಪ್ರೇರಣೆ: "The Mountain Tomb"
by William Butler Yeats