ಒಳದನಿ

ನನ್ನೊಳಗೆ ಒಬ್ಬ ಅವಿತಿಹನು
ಯಾವಾಗ ಏಳುವನೋ?
ಯಾವಾಗ ಮಲಗಿರುವನೋ?
ಹೇಳಲಾಗದು ಅವನ ಬಗೆ||

ಏನನ್ನೊ ನೋಡಿದಾಗ
ಮನಕಲಕುವುದ ಕಂಡಾಗ
ಸೌಂದರ್ಯ ಸುಧೆಯ ಅನುಭವಿಸಿದಾಗ
ಕವಿಯಾಗಿ ಹಾಡುವನು ಒಳಗಿಂದೆ||

ನೋವೋ? ನಲಿವೋ?
ಕವಿತೆಯಾಗುವುದು ಅವನಿಂದೆ
ಯಾವ ರಾಗಕ್ಕೂ ಮನಸೋಲದೆ
ಪದಗಳೇ ತಾನಾಗಿ ಹಾರವಾಗುವುದು ತಾಯಿಗೆ||

ಬಾ ಎಂದಾಗ ಬಾರದವನು
ಬರಬೇದವೆಂದಾಗ ಬರುವನು
ಏನ ಹೇಳಲಿ ಅವನ ಚರ್ಯೆ
ಸದಾ ಒಳಒಳಗೆ ಕಾಡುವನು||

ನಾನೇ ಅವನಾಗಿ
ಅವನು ಎಲ್ಲವೂ ಆಗಿ
ಬದುಕ ಪಥವ ಹರವಿದನು
ಅನುಭವ ಸುಧೆಯ ಕುಡಿಸಿದನು||