ಮುರಿದ ವಂಶವೃಕ್ಷ

ನಾನೂ ಒಬ್ಬ ಹಲವರಲ್ಲಿ
ಮುರಿದ ಕೊಂಬೆಗಳ ಮರದ ಚಿಕ್ಕ ರೆಂಬೆ ನಾನು;
ಯಾವಾಗಲೂ ಮೇಲಕ್ಕೇರಿರುವ ರೆಂಬೆಗಳನ್ನೇ ಅನುಸರಿಸಿದವನು;
ರಕ್ಷಣೆ,ಮಾರ್ಗದರ್ಶನ ಹಾಗು ಆಂತರಿಕಶಕ್ತಿಗಾಗಿ;
ಚಿಕ್ಕದಾದರೂ ಬೇರೆ ರೆಂಬೆಗಳು
ಮುರಿದುಹೋಗದಂತೆ ತಡೆಯಲೆತ್ನಿಸುತ್ತಿರುವವನು;
ಯಾರು ಕಳಚಿಕೊಳ್ಳುವರೋ?
ಯಾರು ಜೊತೆಯಲ್ಲಿ ಉಳಿವರೋ?
ಈಗ ನಾನು ಒಬ್ಬಂಟಿಯಾಗಿ ನಿಂತಿದ್ದೇನೆ
ಮಳೆಯಿಂದ ತೊಯ್ದ ಭೂಮಿಯನ್ನು ನೋಡುತ್ತಿದ್ದೇನೆ
ಹಾಗು ಅನುಭವಿಸುತ್ತಿದ್ದೇನೆ ಮುರಿದ ರೆಂಬೆಗಳ ಭಾವ
ಮನದಲ್ಲಿ ನೋವ ಹರಡಿದೆ;
ಎಷ್ಟು ಜನ ಗರಗಸದಿದ್ಮ ತಮ್ಮತನವ ಬೇರ್ಪಡಿಸಿಕೊಂಡರೋ
ನಮ್ಮ ಸಂಸ್ಕೃತಿಯ ಬೇರುಗಳ ಕಿತ್ತುಕೊಂಡರೋ
ನಮ್ಮ ನಾಶದ ದಿಕ್ಸೂಚಿಯ ತಲೆಮಾರಿನ ತಲೆಗಳಲ್ಲಿ ಬಿತ್ತಿದರೋ
ನನಗೇನಾದರೂ ಅಂತಹ ಗರಗಸ ಕೈಗೆ ಸಿಕ್ಕಿದ್ದೇ ಆದರೆ
ಸಮುದ್ರದಾಳಕ್ಕೆ ಎಸೆಯುವೆ ಮತ್ತೆ ಯಾರಿಗೂ ಸಿಗದ ಹಾಗೆ
ನನ್ನ ಮುಂದಿನ ತಲೆಮಾರುಗಳ ನಾಶವಾಗದಂತೆ ರಕ್ಷಿಸುವೆ;
ನಾನೂ ಒಬ್ಬ ಹಲವರಲ್ಲಿ
ಆದರೂ ಒಬ್ಬನೇ ಹೊರಡುತ್ತಿದ್ದೇನೆ
ಹೊಸ ಮನ್ವಂತರದ ಬೀಜಗಳ ಬಿತ್ತುವೆ
ಸುಂದರ ವೃಕ್ಷಗಳ ಅದರಿಂದ ಬೆಳೆಯುವೆ;

ಪ್ರೇರಣೆ:' A Broken Familiy Tree'
By Lori McBride.