ಅಮಿತ,ಅನಂತ,ಅನನ್ಯ

ಬೆಲೆಗಳೇರುತ್ತಿವೆ ನಾಗಾಲೋಟದ
ಸ್ಪರ್ಧೆಯ ಈ ಜಗದಲ್ಲಿ
ನಾವಂತೂ ಬೆಲೆಯ ಹಗ್ಗವ ಜಗ್ಗಿ ಹಿಡಿದಿದ್ದೇವೆ
ಈ ಸಂಸಾರದ ಜಂಜಾಟದಲ್ಲಿ||

ಕುತ್ತಿಗೆಗೆ ಸುತ್ತಿಕೊಂಡಿದೆ  ಹಗ್ಗ,
ಕೈಬಿಟ್ಟರೆ ಸಾವು ಖಂಡಿತ
ಬಿಡಲಾರೆವು,
ಹಾಗೆ ಹಿಡಿಯಲಾರೆವು
ಎಂಥ ಪರಿಸ್ಥಿತಿ ನಮ್ಮದು!

ಬದಲಾಗಬೇಕು ನಾವು
ಪರಿಸ್ಥಿತಿಗೆ ಹೊಂದಿಕೊಳ್ಳಬೇಕು
ಕಾಲನ ನಡೆಯ ಮುಂದೆ
ನಮಗೆ ಗೆಲುವಾಗಬೇಕು||

ಕಾರು,ಮನೆ,ಫ್ಲಾಟ್
ಪೆಟ್ರೋಲ್,ಡೀಸಲ್,ಗ್ಯಾಸ್
ಎಲ್ಲಕೂ ಬೆಲೆಯಿದೆ
ಎಲ್ಲವೂ ಏರುತ್ತಿದೆ||

ಪ್ರೀತಿ,ವಿಶ್ವಾಸ,ವಾತ್ಸಲ್ಯ
ಸಂಬಂಧ, ಗೆಳೆತನ
ಎಲ್ಲಕ್ಕೂ ಬೆಲೆಯಿದೆ
ಬೆಲೆ ಕಟ್ಟಲಾಗದ ಸಂಪತ್ತು
ಅಮಿತ,ಅನಂತ,ಅನನ್ಯ||