ಪ್ರೀತಿಯ ಮಳೆ

ಆ ಮೊದಲ ಗಳಿಗೆಗಳಲ್ಲಿ
ಗೊಂದಲ ತುಂಬಿದ ಮನದಲ್ಲಿ
ಬಯಕೆ ಹೊತ್ತ ಹೃದಯದಲ್ಲಿ
ಮೊದಲ ಪ್ರೀತಿಯ ಹನಿ ಜಾರುವ ಹೊತ್ತಲ್ಲಿ||

ಎದೆಯ ಬಡಿತ ಏರುತಿರೆ
ಆವೇಗದ ವೇಗ ಕೈಗೆ ಸಿಗದೆ
ಹುಚ್ಚು ಮನಸ್ಸಿನ ಬಯಕೆಯ
ತೊರೆ  ರಾಕೆಟ್ಟಿನಂತೆ ಹಾರಿದೆ||

ನರನರಗಳಲ್ಲಿ ರಕುತ ಧುಮ್ಮಿಕ್ಕುತ್ತಿದೆ
ನಿನ್ನ ಮನದಲ್ಲಿ ನೆನೆದು ನೆನೆದು
ಸಾವರಿಸಿ ಕೊಂಡು ಏಳಲಾಗದೆ
ನರಳುತಿಹೆನು ಹಿತವಾಗಿ ನಿನ್ನ ನೆನೆದು||

ಮತ್ತೆ ಬಾ ಮನದ ಅಂಗಳಕ್ಕೆ
ಬೇಡಿಕೊಳ್ಳುವೆ ನರಳಿಸು ಹಿತವಾಗಿ
ಪ್ರೀತಿಯ ಮಳೆಯಲ್ಲಿ ನೆನೆಸು,ವಿರಹದಿ ಬೇಯಿಸು
ಪ್ರೀತಿಯ ಒಲೆಯ ಮೇಲೆ ಮಿತವಾಗಿ||