.|| ಶ್ರೀರಂಗಪಟ್ಟಣದ ರಂಗನಾಥ||

ಮಂದಹಾಸದಿ ಮಲಗಿಹನು ರಂಗನಾಥ

ಸುತ್ತಲೂ ತಂಪು ಮಾಡಿ

ಪಾದ ಸೇವೆಗೆ ಕಾಯುತಿಹಳು ಕಾವೇರಿ

ರಂಗನಾಥ ಗುಡಿಯಲ್ಲಿ ಬಂಧಿ

ಕಾವೇರಿ ಹೊರಗಡೆ ಮುಕ್ತಳು

ಯಾರೇ ಬಂದರೂ

ಯಾರೇ ಹೋದರೂ

ಮೊದಲು ಕಾವೇರಿ

ಆನಂತರ ರಂಗನಾಥ ನ ದರುಷನ

ಜುಳ.ಜುಳನೇ ಸದ್ದು ಮಾಡಿ ಕೇಳುವಳು

" ರಂಗನಾಥ ಕುಶಲವೇ?"

ರಂಗನಾಥ ಮುಗುಳುನಗೆಯಲ್ಲೇ ಉತ್ತರ

ಪಾಪ ತೊಳೆಯುವ ಕಾವೇರಿ

ಮುಕ್ತಿಕೊಡುವ ರಂಗನಾಥ

ಲೋಕಸೇವೆಗೈಯ್ಯುತಿಹರು ಮೌನವಾಗಿ

ಎಂಥ ಜೋಡಿ

ಏನೋ ಮೋಡಿ

ಮತ್ತೆ ಮತ್ತೆ ನೋಡುವ ಸೆಳೆತವಿದೆ

ಇಂಥ ಜೋಡಿಯ ನೋಡದ ಕಂಗಳೇತಕೆ ನೀವೇ ಹೇಳಿ?