ದಾರಿ ಕಾಣದಾಗಿದೆ

ಬೆಳ್ಳಂಬೆಳಿಗ್ಗೆ ಕಾಣುವ ಈ ದಾರಿ
ರಾತ್ರಿ ಕಾಣೆಯಾಗುವುದು ಏನು ಸೋಜಿಗ?

ಎಷ್ಟೋ ಬಾರಿ ನಡೆದಿದ್ದೇನೆ
ನಡೆಯುವ ಆ ಸುಖಕ್ಕೆ ಯಾವುದು ಸಾಟಿ?

ಈಗಲೂ ಅದೇ ದಾರಿಯಲ್ಲಿ ಚಲಿಸುತ್ತೇನೆ
ಕಾಲ್ನಡಿಗೆಯಲ್ಲಿ ಅಲ್ಲ ದ್ವಿಚಕ್ರ ವಾಹನದಲ್ಲಿ
ಅನಿಸುತ್ತಿದೆ " ಏನನ್ನೋ ಕಳೆದುಕೊಂಡಿದ್ದೇನೆ"ಎಂದು

ಅಂದು ನಡೆವಾಗ ಆ ಅನುಭವ ಆಪ್ಯಾಯಮಾನ
ಇಂದೇಕೋ ಅದೇ ಆಗಿದೆ ಅಪಾಯಮಾನ

ಬೆಳಿಗ್ಗೆ ಈ ದಾರಿ ಎಷ್ಟು ಸ್ಪಷ್ಟ
ರಾತ್ರಿ ಕಳೆದಿರಲು ಕನಸದಾರಿ ಅಸ್ಪಷ್ಟ

ಏನಾಗಿದೆ ನನಗೆ,ತೋಚದಾಗಿದೆ
ಕನಸ ಕಾಣುವ ಆ ದಾರಿ ಏಕೆ ಕಾಣೆಯಾಗಿದೆ?