ಯಾಚನೆ

ಬಿಟ್ಟು ಹೋಗದಿರು ಏಕಾಂಗಿಯಾಗಿ
ನಾನು ಬಡವ,ಅಸಹಾಯಕ...
ನನ್ನ ಶಕ್ತಿ,ನನ್ನ ಸಂಪತ್ತು,
ನನ್ನ ಅದೃಷ್ಟದ ಕೊಡ ಖಾಲಿಯಾಗಿದೆ.
ನೀನೋ ಪ್ರೀತಿಯ ಸಮುದ್ರ
ತುಂಬಿಕೊಳ್ಳಲೇ ನನ್ನ ಖಾಲಿ ಕೊಡದಲ್ಲಿ;
ಖಾಲಿಯಾದ ಈ ಹೃದಯದಲ್ಲಿ
ಯಾವ ಸಂಗೀತ ತಾನೆ ಹೊಮ್ಮುವುದು?

ಸಹಾಯ ಮಾಡು,
ಕರುಣೆ ತೋರು,
ನಿನ್ನ ಮುರಲಿಯ ಗಾನವ ತುಂಬು ಎದೆಯಲ್ಲಿ;
ಪ್ರೀತಿಯ ನಾದ ಹೊಮ್ಮಿಸು;
ಎಲ್ಲೇ ಹೋದರೂ ನೀನೇ ಕಾಪಾಡು
ಶರಣಾಗಿದ್ದೇನೆ ನೀನೇ ಪರಿಪೂರ್ಣನೆಂದು
ನೀನಿಲ್ಲದೆ ಮತ್ಯಾರೂ ನನಗಿಲ್ಲ
ಕರುಣಿಸು,ಕರುಣೆ ತೋರು
ಹೃದಯದಲ್ಲಿ ಪ್ರೀತಿಯ ನಾದವ ಮೀಟು....