ಬಿಟ್ಟಿರಲಾರದೆ ಕಳುಹುತ್ತಿದ್ದೇನೆ
ಮನದ ಭಾರದ ಹೃದಯದಿಂದ
ಅಲ್ಲಿ ನಿನ್ನ ಹೇಗೆ ನೋಡಿಕೊಳ್ಳುವರೋ ಆತಂಕ!
ಮನದ ತುಂಬಾ ಭಯ ಕಾಡಿದೆ...
ಎಂದೂ ಒಂದು ಕ್ಷಣವೂ ಬಿಟ್ಟಿರದ ನೀನು
ಅದು ಹೇಗೆ ನನ್ನ ಬಿಟ್ಟಿರುವೆ?
ಒಂದು ಕ್ಷಣ ಯೋಚಿಸಿದರೇ
ಎದೆ ಝಲ್ಲೆನ್ನೆವುದು ನೋವ ಸಹಿಸದೇ...
ಆತಂಕ ಒಂದು ಕಡೆ,ಸಂತೋಷ ಇನ್ನೊಂದು ಕಡೆ
ನನ್ನ ಕಂದ ಹೊರ ಪ್ರಪಂಚಕ್ಕೆ,ಹೊಸತನಕ್ಕೆ
ಅಡಿ ಇಡುತ್ತಿದ್ದಾನ್ನೆನ್ನುವ ಸಂತೋಷ ಒಂದು ಕಡೆ,
ಈ ದುರುಳ ಪ್ರಪಂಚವನ್ನು ಹೇಗೆ ಎದುರಿಸುವನೋ ಎಂಬ ಆತಂಕ ಮತ್ತೊಂದೆಡೆ!
ಮೊದಲ ಹೆಜ್ಜೆ ಮನೆಯಿಂದ ಹೊರಗೆ ಇಡು ಕಂದ ಬಲವಾಗಿ
ಆತ್ಮಸೈರ್ಯದಿಂದ, ನಂಬಿಕೆಯಿಂದ,ಅರಿವಿನ ಹೊಸ ಲೋಕಕ್ಕೆ
ನನ್ನ ಪ್ರೀತಿಯ ಧಾರೆಯನ್ನೆಲ್ಲಾ ಹರಿಸಿದ್ದೇನೆ,ಶ್ರಮಿಸಿದ್ದೇನೆ,
ಈ ಪ್ರಪಂಚವನ್ನು ನೀನು ಎದುರಿಸಿ ಜಯಶಾಲಿಯಾಗುವ ಭರವಸೆಯಿಂದ.
No comments:
Post a Comment