ಬಾ ನನ್ನ ಕವಿತಾ

ಬಾ ನನ್ನ ಕವಿತಾ
ಎಲ್ಲೂ ಹೋಗದೇ ನನ್ನಲ್ಲೇ ನೆಲೆಗೊಳ್ಳು ನಲಿಯುತಾ
ಬಾ ನನ್ನ ಕವಿತಾ||

ಇಲ್ಲೇ ಇದ್ದವಳು,ಇಲ್ಲೇ ಇರುವವಳು
ಕಣ್ಣು ತೆರೆದರೆ ಮಾಯವಾಗುವವಳು
ನನ್ನ ಪೆದ್ದುತನಕ್ಕೆ ನಸು ನಗುವವಳು
ಬಿಡದೇ ಸತಾಯಿಸುವ ಕಳ್ಳ ಸವಿತಾ||

ಮರೆತು ಹೋದಂತೆ ನಟಿಸಿ
ಯಾವುದನ್ನೂ ಮರೆಯದೆ ಎಲ್ಲವನ್ನೂ ಎಣಿಸಿ
ಯಾವುದಕ್ಕೂ ಜಗ್ಗದೆ ಮನದ ಶಕ್ತಿಯ ಗುಣಿಸಿ
ಸದಾ ಚೈತನ್ಯವ ಕೊಡುವ ಸವಿತಾ||

ಮನವು ನೋವಿಗೆ ಕುಗ್ಗಿದಾಗ
ಯಶಸ್ಸಿಗೆ ತಲೆ ತಿರುಗಿದಾಗ
ನಮ್ಮ ತಪ್ಪುಗಳು ಚಿಂತೆಯ ತಂದಾಗ
ಮನವ ಕುಗ್ಗಿಸದೇ,ಶಕ್ತಿಯ ತುಂಬುವ ಸವಿತಾ||

ಬಾ ನನ್ನ ಕವಿತಾ
ಏರು ಪೇರಿನ ಗಾಯನಾ
ಕೊನೆ ಮೊದಲಿಲ್ಲದ ಜೀವನಾ||