ಭ್ರಮೆಯ ಬದುಕು

ಎಲ್ಲವೂ ಇದೆ ಎಂದುಕೊಂಡಿದ್ದೆ
'ಮನವೂ ಖಾಲಿ'ಎಂದು ಇಂದೇ ತಿಳಿಯಿತು
ಏಕಾಂಗಿಯಾದಾಗ ನಮ್ಮತನ ಬೆತ್ತಲಾಗುವುದೆಂದು ಜ್ಙಾನೋದಯವಾಯಿತು//

ಎಲ್ಲವೂ ಇದೆ ಎಂಬ ತೋರಿಕೆ ಏಕೇ?
ಅಂಟಿಕೊಂಡಿಹ ಈ ಮೋಹ ಎಷ್ಟು ದಿವಸವೋ?
ಎಲ್ಲವೂ ನನ್ನ ಕೈಯಲ್ಲಿದೆ ಎಂಬ ಭ್ರಮೆ
ಕಳಚುವುದು ಎಷ್ಟು ಹೊತ್ತು ಅವನಿಗೆ?

ಭ್ರಮೆಯ  ಈ ಬದುಕು ಎಷ್ಟು ದಿವಸ?
ನನ್ನಿ ಅರಿತ ಮೇಲೆ ಬದುಕು ಭಾರವಾಯಿತು
ಇಂದಲ್ಲ ನಾಳೆ ಭ್ರಮೆ ಕಳಚಲೇಬೇಕಿತ್ತು
ಭ್ರಮೆ ಕಳಚಿದ ಮೇಲೆ ಆಸರೆಬೇಕು,ಮತ್ತೆ ಗೂಡು ಕಟ್ಟಲು//

ಒಳಗಿನ ಶತ್ರು ನನ್ನನ್ನೇ ರಣರಂಗದಲ್ಲಿ ಕೆಡವಿದ
ಅರಿಯುವ ವೇಳೆಗೆ ಮಣ್ಣಿಗೆ ಬಿದ್ದಾಗಿತ್ತು
ಈಗ ಯಾವ ಮಾರ್ಗ ತೆರೆದಿದೆ ,ಸೋಲು ಅನುಭವಿಸುವುದ ಬಿಟ್ಟು
ಇಂದು ಅವನ ದಿನ,ನಾಳೆಯ ನನ್ನ ದಿನಕ್ಕೆ ಕಾಯಲೇಬೇಕು//