ಏಕೆ ಮರುಳಾದೆ ರಾಧೆ?

ಏಕೆ ಮರುಳಾದೆ ರಾಧೆ?
ಶಾಮನ ನೋಟಕೆ;
ಮಾತಿನ ಮೋಡಿಗೆ
ಏಕೆ ಕಳೆದು ಹೋದೆ?

ಹುಣ್ಣಿಮೆಯ ಚಂದ್ರಿಕೆಯ ಸೊಬಗು
ಕರಿಮೊಗದ ಶಾಮಗೆ ಆಯಿತೇ ಬೆರಗು!
ಏಕೆ ಮರುಳಾದೆ ರಾಧೆ?
ಏಕೆ ಕಳೆದು ಹೋದೆ?

ಆವ ಪುರುಷಗೂ ಒಲಿಯದ ಮನ
ಗೋಕುಲ ನಂದನನ ಬಯಸಿತೇಕೆ ಮನ!
ಏಕೆ ಮರುಳಾದೆ ರಾಧೆ?
ಏಕೆ ಕಳೆದು ಹೋದೆ?

ಪ್ರೀತಿಗೆ ಅನ್ವರ್ಥ ನೀನು
ಕಂಡೆ ಶಾಮನಲ್ಲಿ ಒಲುಮೆ ಜೇನು
ಏಕೆ ಮರುಳಾದೆ ರಾಧೆ?
ಏಕೆ ಕಳೆದು ಹೋದೆ?

ಆವ ಜನುಮದ ಬಯಕೆಯೋ?
ಶಾಮನೇ ಇನಿಯನಾಗುವ ಒರತೆಯೋ?
ಏಕೆ ಮರುಳಾದೆ ರಾಧೆ?
ಏಕೆ ಕಳೆದು ಹೋದೆ?