ಜೀವನ ನಿಂತ ನೀರಾಗಿದೆ ಎನಿಸುವಷ್ಟರಲ್ಲೇ
ಮತ್ತೆ ಬಂದಿದೆ ಸಂಕ್ರಾಂತಿ
ಜೀವನದಲ್ಲಿ ಸಣ್ಣ ಕಾಂತಿ ತಂದಿದೆ
ಎಲ್ಲರಲ್ಲೂ ತವಕವಿದೆ,ಹುಡುಕಾಟವಿದೆ
ನಗರದ ಬೆಂಬಿಡದ ಯಾಂತ್ರಿಕತೆಗೆ ಬೇಸತ್ತು
ಒಂದು ದಿನ ರೆಸಾರ್ಟ್ ನಲ್ಲಿ ವಿಶ್ರಾಂತಿ ಅರಸುವ ನಾವು
ಹಳ್ಳಿಯ ಜೀವನದ ಸರಳತೆಗೆ ಮನಸೋಲದವರು
ಹಳ್ಳಿಯ ಸಮಸ್ಯೆಗಳನ್ನೇ ದೊಡ್ಡದು ಮಾಡಿ ಮೂಗುಮುರಿಯುವೆವು
ಹಳ್ಳಿಹಬ್ಬದ ನೆಪದಲ್ಲಿ ರಜೆಯ ಮಜೆಯನ್ನು ಅನುಭವಿಸುವವರು
ಎಳ್ಳು-ಬೆಲ್ಲ ತಿಂದು ಮನವ ಬದಲಾಯಿಸಿಕೊಳ್ಳುವ ಅವಶ್ಯಕತೆ
ಈ ಹಬ್ಬ ಸಾರುತಿದೆ,ಕಾಲ ಬದಲಾಗಲಿ ಮನಸ್ಸು ನಿರ್ಮಲವಾಗಿರಲಿ.
ಸರಳತೆಯ ಕ್ರಾಂತಿ ಎಲ್ಲರ ಮನದಲ್ಲೂ ಉದಯವಾಗಲಿ.
